167. NINJUI O WEGA NDI RUGENDO-INI

 167. NINJUI O WEGA NDI RUGENDO-INI

1.

 Ninjui o wega ndi rugendo-ini,

 Rwa guthii matu-ini ndingihuruka

 Tondu thi-ino yothe ndiri na igai,

 Ciothe cia thi-ino no ciaguthira.

 

 2.

 Maitho ma mwiri meroragira,

 Moriru ma thi ino ngoro ikagega.

 Meciria ma mundu makehenagia,

 Gutonya ikenero niundu wa tuhu.

 

 3.

 Maundu no meri gikuu na muoyo,

 Gikuu ni hinguro ya kuhingura.

 Muromo wa muoyo tukinye iguru,

 Kuu gwa ithe witu tukinye iguru.

 

 4.

 Nawe wahenirio ni miago ya thi,

 Matu-ini niukona wi mundu mukia.

 Tukiheo igai ria ikeno ciitu,

 Na tanji ya muoyo twiriragiria

 

 5.

 Roho ekwira mundu wa mathangania

 Mutino ni mundu wa ngoro igiri.

 Tondu ngoro yake ni itithangagia,

 Gutonya ikenero ni kuri hinya.

 

 6.

 Nguuga ngoro yakwa ina gikeno,

 Mwago wa matu-ini nitukawona.

 Twahingia guthera ta irikaniro

 Cia watho wa Jesu Mwathani witu.

 

 7.

 Bururi wa iguru na riri waguo,

 Na uthiu wa Ithe witu twiriragiria,

 Tukawona na maitho na ti ma mwiri.

 Ni maitho ma Roho twoima mwiri-ini

 

 8.

 Mwago tukonaga twakinya iguru,

 Tuthiururukirie giti kia unene.

 Twihumbite riri wa nguo njeru

 Tukigocaga Jesu twi na gikeno.

 

 9.

 Mbutu cia aria atheru hamwe na Araika.

 Nimagakenaga makirorera

 Magetha ma Roho twakinya iguru.

 Caitani na andu ake maikio mwakini.